Sekretarja e Brendshme britanike, Suella Braverman vizitoi dje ndërtesat në Ruandë ku mbase do të dërgohen emigrantët që mbërrijnë me anije në Kanalin Anglez nën skemën e saj të dëbimit.
Braverman mbërriti në vendin afrikan dje për të dyfishuar buxhetin e marrëveshjes prej 140 milionë paundësh, për të cilën ajo pretendoi se do të ishte një “parandalues i fuqishëm” kundër trafikut të paligjshëm.
Vizita është e para e saj që nga marrja e rolit të kabinetit, pasi paraardhësja e saj Priti Patel nënshkroi marrëveshjen në prill të vitit të kaluar, por Braverman shkaktoi shumë reagime në vendin ishullor, pasi tha se e kishte ëndërr që të dërgonte një avion të mbushur plot me emigrantë në Ruandë.
Në periferi të kryeqytetit Kigali sot, Bravermani pa nga afër ndërtimin e objekteve që do strehojnë azilkërkuesit.
Megjithatë, një numër i mediave, duke përfshirë Freedom from Torture, e kanë kritikuar vizitën e financuar nga publiku, duke e cilësuar atë një ‘udhëtim me varkë ekspozimi’ pasi Independent tha se media si BBC, The Guardian dhe Daily Mirror nuk ishin ftuar në takim.
Asnjë emigrant nuk është zhvendosur në Ruandë deri më tani pasi marrëveshja, e cila u nënshkrua prillin e kaluar nga paraardhësja e Braverman, Priti Patel, ende po mbahet peng nëpër beteja ligjore.
j.l./ dita