Një i ri në Korçë, ka kërcënuar me thikë punonjësen në një supermarket dhe ka marrë 100 mijë lekë.
20-vjeçari ka marrë paratë e xhiros ditore që ishin në kasë. Ende nuk dihet identiteti i tij, ndonëse ka shkuar për të grabitur marketin i pa maskuar.
Grabitja ka ndodhur paraditen e sotme, në lagjen nr. 4 në Korçë.
Njoftimi i Policisë:
Korçë/Informacion paraprak
Paraditen e sotme, në lagjen nr. 4, Korçë, një shtetas rreth 20 vjeç, ka hyrë në një supermarket dhe ka vjedhur një shumë lekësh nga arka dhe më pas është larguar. Shërbimet e Policisë po këqyrin kamerat e sigurisë dhe po punojnë për identifikimin dhe kapjen e autorit.
j.l./ dita
