Një simulim i frikshëm dhe tepër shqetësues është prezantuar së fundmi i cili parashikon se si një sulm bërthamor nga Rusia mund të cojë në një luftë bërthamore që do të shkaktonte të paktën 34 milionë viktima në vetëm 5 orë.
Videoja 4 minutëshe e njohur me emrin “Plani A” ka si qëllim të nënvizojë pasojat katastrofike të mundshme që do të sillte një konflikt mes Rusisë dhe vendeve të NATO.
Ajo është realizuar nga kërkuesit e universitetit të Princtonin në bashkëpunim me Programin për Shkencë dhe Siguri Botërore dhe për herë të parë u prezantua në vitin 2017, por tashmë që kërcënimi bërthamor po lakohet cdo ditë e më shumë, e bën videon tepër shqetësuese.
Modeli, i bazuar mbi të dhënat zyrtare mbi vendndodhjen e armëve bërthamore, objektivat, parashikon miliona viktima vetëm në orët e para të një konflikti të tillë bërthamor.
Mbi 55 milionë njerëz të tjerë do të plagoseshin, pa llogaritur këtu ata që do të vdesin nga rrezatimi.
Simulimi mund të duket në vetëvete si shumë shqetësues, por mund të përdoret nga qeveritë e vendeve të ndryshme për të hartuar plane dhe informuar publikun se si mund t’i mbijetojnë një sulmi.
Sulmi nis brenda kontekstit të armëve konvencionale, cka do të thotë një konflikt jo bërthamor.
Sipas tij, Rusia lëshon një raketë paralajmëruese nga baza pranë Kaliningradit në drejtim të Detit të Zi për të ndalur avancimin e NATO, e cila më pas hakmerret me një sulm ajror taktik.
Më pas Rusia dërgon 300 koka shpërthyese drejt bazave të NATO dhe trupave që avancojnë në Europë përmes avionëve apo raketave me rreze të shkurtër veprimi.
Aleanca e Atlantikut verior më pas do të kundërpërgjigjet me 180 bomba bërthamore të lëshuara nga avionët.
Në këtë moment, viktimat vlerësohen të jenë mbi 2.6 milionë, ndërkohë që në një periudhë prej 3 orësh pjesa më e madhe e Europës do të jetë e shkatërruar.
Për shkak të kësaj, NATO do të reagojë përmes SHBA dhe flotës së nëndetësve duke nisur 600 koka me mbushje bërthamore në një sulm nuclear strategjik.
Rusia nga ana tjetër për të mos lejuar që arsenali i saj të shkatërrohet do të lëshojë të gjitha raketat që ka në dispozicion nga nëndetëset, bazat ushtarake, madje dhe armët bërtthamore të lëvizshme.
Modeli parashikon të paktën 3.5 milionë viktima në këtë fazë të luftës që do të zgjaste 45 minuta.
Në fazën finale të konfliktit të dyja palët do të vinin në shënjestër 30 qytetet më të populluara të njëra tjetrës për të lëshuar drejt tyre nga 5 deri në 10 raketa bërthamore, për të mos lejuar në këtë mënyrë një rimëkëmbje të mundshme nga kjo luftë.
Një lëvizje e tillë do të nënkuptonte dhe 85 milionë viktima e të lënduar në një hapësirë kohore 45 minutëshe.
Fillimisht videoja u ekspozua në Galerinë Bernstein të Princeton në vitin 2017, por u vu në dispozicion të publikut në vitin 2019 .
Me sa shoh ketu komp.nxjerr fitues Bashkimin Sovjetik te Rusise.
O Demo llamarina, asnje sdel i fituar nga lufta totale berthamore. Radioaktiviteti do te godase te gjithe njerezit, do te kemi vdekje shumefishe ne vite, do te infektohen prodhimet bujqesore, uji, do kesh shi radioaktiv,…do zhduket qyteterimi ne Europe e Rusi. Do te jete nje tmerr pa fund. Po si smbush fare o tulle. Kurre o Zot.
Blej nje shishe shampanje!
Jo une do te thoja te fillojne te pastrojne bunkeret e Enverit. Si dihet mbase do te na hyne ne pune.
Fitues jane ata plera qe planifikojne te hedhin bombat.
Humbes jane mileti i gjere ne mase. Edhe pse ben tifozllek me njeren apo tjetren pale