Bob Waldinger, profesor i psikiatrisë në Kolegjin Mjekësor të Harvardit dhe autor i librit të ri elektronik “The Good Life: Classes From the World’s Longest Scientific Study of Happiness” beson se ka zbuluar çelësin e lumturisë.
Në librin “The Good Life”, Waldinger dhe Schulz shtjellojnë atë që i bën njerëzit të gjejnë lumturi nga një studim që filloi në vitin 1938 dhe që ndoqi jetën e 724 studentëve të Harvardit dhe djemve me të ardhura të ulëta të Bostonit.
Për nga shifrat dhe kohëzgjatja, ky është studimi më i madh shkencor mbi “lumturinë” i zhvilluar deri më sot.
Sipas Waldinger, sekreti i madh është te marrëdhëniet njerëzore, “të natyrshme në gjithçka që bëjmë dhe gjithçka që jemi”.
Njerëzit më të lumtur dhe më të shëndetshëm janë ata që kanë aftësi për t’i mbajtur këto marrëdhënie me kohën, duke qenë në kontakt të vazhdueshëm, zbuloi studimi.
Profesori e quan “fitnes social” që duhet të jetë shumë më i pranishëm se “fitnesi fizik” individual, të cilin shumë njerëz e shohin si burim mirëqenie.
Për të marrë dhe dhënë gëzim qoftë edhe me personin më të largët, mjafton shumë pak kohë, madje edhe një telefonatë. Sipas Waldinger, 8 minuta është një periudhë e shkurtër kohore, por e mjaftueshme për të bërë shumë; mjaftueshëm e gjatë për të shkaktuar të gjitha ndjesitë dhe emocionet pozitive që na bëjnë të ndjehemi të lumtur.
Studimi zbulon se mjaftojnë telefonata të shkurtra, disa herë në javë, që të ulin me shpejtësi nivelet e melankolisë, vetmisë dhe nervozizmit. Ai thotë se asnjëherë nuk është shumë vonë për ta zbatuar këtë rregull, pavarësisht moshës.
Dy aspekte të tjera që kontribuojnë në lumturinë e njerëzve janë kafshët shtëpiake dhe feja.
Harvard psychiatrist Dr. Robert Waldinger says this is the secret to happiness https://t.co/foNKQwnZZf pic.twitter.com/TTxHwgRWaq
— CNN (@CNN) February 4, 2023
j.l./ dita
