Pamjet që shihni tregojnë momentin e vendosjes së eksplozivit në banesën e gjyqtarit Tonin Sterkaj. Ngjarja ndodhi mëngjesin e djeshëm në Shkodër.
Në video shihet momenti, ku autori, i veshur me xhup dhe me kapuç, ecën i qetë në lagje, ndërsa vendos eksplozivin në derën kryesore të banesës.
Siç shihet nga kamerat e sigurisë së një prej banesave në atë zonë, shënon pikërisht ora 02:55 kur autori shkon te objektivi i tij dhe vendos tritolin.
Shpërthimi ka qenë shumë i fuqishëm, duke terrorizuar gjithë lagjen.
Dyshimet e para lidhen me detyrën e Tonin Stërkajt si gjyqtar, megjithatë po hetohen dhe pista të tjera që mund të kenë lidhje me konflikte pronësie.
Vetë gjyqtari ka deklaruar se nuk ka pasur ndonjë çështje madhore në shqyrtim dhe se së fundmi nuk ka marrë kërcënime që lidhen me detyrën e tij.
j.l./ dita
Ky duket se eshte vrases profesionist me pagese , te vetmen pune qe di te beje , ky dhe sera e tij e shpellareve . Prandaj nuk duhet patur asnje meshire per shtaze te tilla .
Ky gjygjetari ka ndonje lidhje me deputetin Paulin Sterkaj????