Sulmuesi i kombëtares shqiptare Jasir Asani vazhdon të tregojë formën e tij të mirë në kampionatin korean, pasi ka gjetur sërish rrugën e rrjetës me skuadrën e Guangjusë.
Anësori shqiptar ka shënuar 2 gola në sfidën kundër Aniang, që u fitua me përmbysje me rezultatin 2-1. Asani shënoi golin e barazimit në minutën e 57-të dhe më pas golin e fitores në minutën e fundit të takimit.
Shqiptari duket se ka nisur në mënyrën më të mirë sezonin e ri në kampionatin korean (sot u luajt java e 3-të), pasi shënon për të dytën ndeshje radhazi dhe ngjitet në kuotën e 3 golave në kampionat.
Një shenjë e mirë edhe për kombëtaren shqiptare, që gjen në formën optimale për ndeshjet e marsit, një nga lojtarët më produktivë nën drejtimin e trajnerit Silvinjo.
Goli i parë i shënuar nga Asani – VIDEO
Goli i dytë i shënuar nga Asani – VIDEO
j.l./ dita
