Në një vend ku politika shpesh tingëllon si megafon i prishur, Spartak Ngjela ka vendosur të rinovojë zërin e tij.
I ftuar në emisionin “Klo’s Friends” të gazetares Klotilda Harka, Ngjela deklaroi se ka shpenzuar plot 6 mijë euro për të ndryshuar zërin, që ta bëjë “sa më erotik”.
Një investim ‘strategjik’, ky i Spartak Ngjelës, ku kapriçot e tij ngjyrosen nga timbri i zërit.
Ngjela, i cili prej vitesh flet me të njëjtën siguri për gjithçka dhe asgjë, duket se ka kuptuar se epoka e ideve ka mbaruar. Tani është koha e vibratos.
Një zë që rrëshqet si kadife në mikrofon, që shushurit më shumë se argumenton, që bind jo me logjikë por me rezonancë.
Nuk dihet nëse 6 mijë euro janë çmimi i tregut për erotikën vokale, apo janë ndërhyrjet që ka bërë Ngjela në kordat e fytit, për të dhuruar kaq shumë eros për publikun.
View this post on Instagram
Vete e keni bere kete mo ju te Dites, apo e keni kopjuar. Si duket nuk e dini qe zeri ka pasur gjithmone rendesi per folesit ne publik, apo ashtu ishte nje pune dhe keni inat me avokatin, sikur jua ka marre dollaret juve. Mos e beni “bëni si them une dhe mos bëni si them unë”, domethënë kritikojeni per qëndrimin e idetë, jo se ç’bën me zërin.
Ky ka rrjedhur fare. Nëse ka qënë ndonjëherë si duhet. Është bërë si ai Guri me shokë.
Ngjeli më vonë do thotë se bëra shaka me ata që s’kanë me se ta shtyjnë kohën, siç thoshte Berisha për akuzat ndaj Nanos, pasi u bë mik me të që ato ishin për politikë.