Një operacion antidrogë është bërë ditën e sotme në Tiranë. Mësohet se nga operacioni janë sekuestruar më shumë se 1 kg kokainë.
Mësohet se gjatë aksionit në kthesën e Kamzës janë gjetur në makinë 1 kg e 50 gramë kokainë.
Nga aksioni i policisë janë vënë në pranga 2 të rinjtë që ndodheshin në makinë bashkë me lëndën narkotike.
Dyshohet se droga e sekuestruar ishte me vlerë 270 mijë euro.
Në pranga kanë rënë Xhenjo Manushi dhe Klajdi Serjani.
Mësohet se 20-vjeçari Manushi ndodhej në makinë së bashku me Serjanin në zonën e kthesës së Kamzës, në momentin që i ka ndaluar policia për kontroll. Gjatë kontrollit të mjetit janë gjetur 1 kg e 50 gramë kokainë.
Ndërkohë që burime bëjnë me dije se Klajdi Serjani është nipi i Pajtim Serjanit. Ky i fundit është i njohur për autoritetet policore për gjobvënie dhe për një atentat që i kanë bënë në 2015.
Njoftimi i Policisë:
Finalizohet nga Sektori për Hetimin e Narkotikëve operacioni policor i koduar “Fam Fanz”, i ndjekur me metoda proaktive. Gjatë operacionit goditet një tjetër rast i shpërndarjes së drogave të forta në qytetin e Tiranës. Sekuestrohen 1 kg e 50 gramë lëndë e dyshuar narkotike kokainë (me vlerë tregu rreth 270 000 euro). Policia ka kapur në flagrancë 2 shtetasit që ushtronin këtë veprimtari kriminale.
Vijon intensivisht puna për identifikimin dhe kapjen e personave të tjerë të përfshirë në këtë aktivitet kriminal. Shërbimet e Sektorit për Hetimin e Narkotikëve, në vijim të operacioneve të njëpasnjëshme për goditjen e veprimtarive kriminale në fushën e narkotikëve, të mbështetura nga inteligjenca policore, në kuadër të një procedimi penal ndjekur me metoda proaktive, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, kanë organizuar dhe kanë finalizuar operacionin policor të koduar “Fam Fanz”.
Gjatë këtij operacioni u arrestuan në flagrancë shtetasit K. S., 24 vjeç, dhe E. M., 20 vjeç, të dy banues në Tiranë. Shërbimet e Policisë kanë lokalizuar në rrugën “Kastriotët”, automjetin me drejtues shtetasin K. S., dhe pasagjer shtetasin E. M. Gjatë kontrollit fizik të shtetasit K. S., shërbimet e Policisë i gjetën 1 kg e 50 gramë lëndë të dyshuar narkotike kokainë. Lënda narkotike, së bashku me një shumë parash dhe celularët e shtetasve të arrestuar, u sekuestruan në cilësinë e provës materiale. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
j.l./ dita
Nuk kuptoj perse duhet se nip I kujt eshte ose djali,ose vellai ?
C’fare lidhje ka kjo kur te gjithe jane ne moshe madhore dhe te ndergjegjeshem per veprimet e tyre.
Nuk eshte mire te pergojohet fisi sepse keshtu kalojme perseri prapa ne Enver Hoxhen.
C’do dele varet nga kembet e saj ,thote populli.