Daily Mail ka publikuar një video ku shfaqet një rakete e mbrojtjes ajrore ruse e lëshuar në rajonin e Luhansk, e cila devijon trajektoren e saj dhe kthehet 180 gradë për të goditur në vendin e saktë nga ku u lëshua.
Videoja u raportua se është filmuar në orët e para të mëngjesit të kësaj të premteje, pranë qytetit Alchevsk, rreth 55 milje në jug të Severodonetsk, ku po kryen luftime të ashpra mesa forcave ruse dhe atyre ukrainase.
Raportet tregojnë se sistemi raketor i mbrojtjes ajrore – ndoshta një S300 – operohej nga separatistët pro-rusë në Republikën Popullore të Luhanskut.
Shkaku i mosfunksionimit nuk është i qartë, ekzistojnë spekulime se mund të jetë për shkak të hakimit ose bllokimit nga një dron ukrainas, ndonëse kjo konsiderohet e pamundur.
Videoja tregon raketën duke krijuar një shpërthim të madh pas përplasjes, me një kaskadë të shndritshme shkëndijash, që mendohet se është shkaktuar nga shpërthimi i karburantit të raketës që nuk është shpenzuar në fluturimin e saj.
Sipas raportimeve të mediave lokale, një zjarr shpërtheu nga vendi jo shumë larg ndërtesave të banimit.
Nuk raportohet për viktima nga ana e forcave ruse apo separatiste, si rrjedhojë e këtij aksidenti.
Një incident i ngjashëm ndodhi në Arabinë Saudite në vitin 2018, kur një raketë e mbrojtjes ajrore Patriot e prodhuar nga SHBA, e gjuajtur për të kapur raketat balistike të lëshuara nga milicia Houthi e Jemenit, nuk funksionoi, duke u kthyer dhe duke u përplasur në një zonë banimi në verilindje të Riadit.
j.l./ dita
