Ministria e Shëndetësisë në Rripin e Gazës, e drejtuar nga Hamasi, tha se të paktën 500 njerëz janë vrarë në sulmin në spitalin al-Ahli al-Arabi.
Zyrtarët e grupit militant të Hamasit thanë se shpërthimi u shkaktua nga një sulm ajror izraelit, ndërsa ushtria izraelite tha se spitali u godit nga një raketë e lëshuar nga militantët palestinezë.
Video më poshtë tregon një raketë që devijon rrugën në ajër dhe kthehet mbrapsht, pak pasi është lëshuar. Një gazetar izraelit që po heton rastin tha për DITA se kjo është raketa që goditi spitalin dhe “është hedhur drejt Israelit nga grupi i xhihadit islamik, por ka devijuar rrugës”.
NDIQNI VIDEON:
Video pritet të dalë së shpejti edhe në mediat lokale, nëse do konfirmohet plotësisht. Më herët u publikua një audio nga burime izraelite, ku thuhet se janë përgjuar dy anëtarë të Hamasit.
Në audio dëgjohen dy persona që flasin për një raketë të devijuar që u lëshua nga “varrezat prapa spitalit” dhe që devijoi më pas duke goditur spitalin.
Ngjarja e rëndë ndodhi ndërsa Shtetet e Bashkuara po përpiqen të bindin Izraelin që të lejojë dërgimin e ndihmave humanitare në Rripin e Gazës dhe përpara mbërritjes së Presidentit Joe Biden në Lindjen e Mesme.
Qindra palestinezë kanë gjetur strehë në al-Ahli dhe spitale të tjera në qytetin e Gazës në ditët e kaluara, në përpjekje për të shpëtuar nga bombardimet pasi Izraeli urdhëroi të gjithë banorët e qytetit dhe zonave përreth që të evakuoheshin në pjesën jugore të Rripit të Gazës.
n.s. / dita
