Studioja e transmetimit të kanalit TV100 në Turqi u kthye në një “arenë boksi” mbrëmjen e së shtunës së kaluar, kur një deputet dhe truproja e tij sulmuan një gazetar për shkak të tensionit të krijuar në transmetim.
Sipas mediave turke, tensioni në emisionin ku ishte i ftuar Kemal Engihurt, deputet i Partisë Demokratike, u shkaktua kur diskutimi arriti në temën e Selaheddin Demirtas dhe Osman Kavala.
“Të gjithë do ta respektojnë vendimin që është marrë. Askush nuk mund të nënvlerësojë gjyqtarët, prokurorët dhe policët e këtij vendi”, tha gazetari Latif Simsek.
Engihurt, i irrituar nga komentet e Simsek, i kërkoi atij të ndalonte këtë retorikë mbështetjeje. Debati ka vazhduar dhe befas deputeti është ngritur dhe i është afruar me veprime kërcënuese gazetarit, duke e sharë. Më pas, transmetimi u ndërpre dhe pasoi një pushim reklamash.
Demokrat Parti milletvekili Cemal Enginyurt, katıldığı canlı yayında tartıştığı diğer konuğu reklam arasında koruması ile birlikte dövdü. (TV100)
— ibrahim Haskoloğlu (@haskologlu) August 7, 2022
Gjatë asaj pauze, pretendon gazetari dhe pamjet e shpërndara më vonë nga TV100, Engihurt dhe një burrë që besohet se ishte truproja e tij sulmuan Simsek dhe e rrahën.
Në videon e diskutueshme, të dy burrat shihen duke grushtuar gazetarin, siç thekson një raport në edicionin turk të BBC.
Pas incidentit tronditës, Simsek paraqiti një ankesë kundër Engihurt dhe truprojës së tij dhe Prokuroria e Stambollit nisi një hetim për të caktuar përgjegjësinë. Pas incidentit, i cili u diskutua gjerësisht në Turqi, Engihurt lëshoi një deklaratë duke deklaruar se partia e tij do të mbronte karakterin laik dhe demokratik të Turqisë.
Nga ana e tij, gazetari i cilësoi si “shpërblim” grushtet që mori nga deputeti dhe truproja e tij, pasi u sulmua teksa mbronte autoritetet ligjore dhe gjyqësore të vendit të tij.
j.l./ dita
Sorroxhinjtë duhen syrgjynosur
Shqiptarët janë Osmanllinj
Me Sulltan Erdoan