Nëse arrini të dëgjoni zhurma nën asfalt, mos u habitni, me shumë mundësi do të gjeni disa krokodilë atje! Kjo ka ndodhur në një lagje në qytetin Macassar, në Indonezi, ku fqinjët dëgjuan zhurma të çuditshme nën tokë, kështu që ata e raportuan atë ngjarje tek autoritetet.
Pas thirrjeve në vend, disa persona kanë mbërritur për të hetuar origjinën e këtyre zhurmave dhe me kazma dhe lopata kanë filluar të thyejnë asfaltin. Pas kësaj ata kërkuan mbështetjen e më shumë personelit, i cili mbërriti më vonë me mjete për të lëvizur krokodilët në mënyrë që ata të dilnin nga hapësira e vogël ku kishin qenë kushedi sa kohë.
Lidhur me këtë rast, mediat vendase raportuan se tre krokodilët e shfaqur nga nëntoka kanë notuar nga lumi dhe kanë hyrë në një kanal uji, derisa kanë arritur në zona të banuara. Manovrat për largimin e këtyre specieve nga vendi u kryen nga personel i kualifikuar dhe u raportua se ato u transferuan në një zonë që shërben si zonë e mbrojtur.
Duhet theksuar se veprimet janë regjistruar në një video të shpërndarë në rrjetet sociale dhe brenda pak minutash është bërë virale.
