Turqia mbështet Kosovën në procesin e integrimit në organizatat ndërkombëtare, NATO dhe Këshilli i Evropës.
Kështu ka deklaruar presidenti turk Rexhep Erdogan gjatë takimit me kryeministrin e Kosovës Albin Kurti, në vizitën e tij të parë në Turqi.
“Ne i kushtojmë rëndësi madhore zhvillimit të marrëdhënieve paqësore të Kosovës dhe të gjithë fqinjëve të saj. Në këtë suazë ne mbështesim dialogun Kosovë-Serbi dhe presim që palët të dëshmojnë një qasje paqësore e konstruktive. Shpresojmë që procesi i dialogut me Serbinë të përmbyllet duke siguruar paqen dhe stabilitetin në rajon”, u shpreh Erdogan.
Në konferencën e përbashkët për media, pas takimit të 3 shkurtit, Kurti falënderoi Turqinë për “mbështetjen e zëshme” për anëtarësimin e Kosovës në NATO dhe në Këshill të Evropës.
“Në NATO na bashkon orientimi. Në Këshill të Evropës vlerat. Në të dyjat, na bashkon momenti kritik nëpër të cilin po kalon kontinenti i Evropës”, tha Kurti.
Më poshtë video e nisjes së takimit, ku fillimisht Erdogan “teston” në turqisht:
m.b./dita
