Një nga personat e armatosur që po vijojnë të sulmojnë me armë zjarri policinë në veri të Kosovës është vrarë.
Lajmi është bërë me dije nga policia e Kosovës.
“Njësitë policore konfirmojnë situatën dhe rrezikun e shfaqur nga sulmet sporadike të grupeve kriminale, në vetëmbrojtje të tyre dhe të qytetarëve të asaj zone, janë detyruar t’iu kundërpërgjigjen grupeve kriminale, ku referuar informacioneve të deritanishme, një nga sulmuesit është vrarë.
Referuar situatës dhe rrethanave të krijuara, Policia e Kosovës për shkaqe sigurie ka mbyllur qarkullimin në dy vendkalimet kufitare në veri (Jarinje dhe Bërnjak), andaj fton të gjithë qytetarët që të shfrytëzojnë pikat e tjera kufitare për qarkullim si dhe të shmangin daljet dhe lëvizjet e tyre në atë rajon/zonë”, bëri me dije policia.
p.c/dita
