Ambasadorët e vendeve të Bashkimi Europian u kanë hapur rrugën procedurave të reja për marrjen e vizave në zonën Shengen.
Këshilli i Bashkimit Europian miratoi procedurën digjitale për gjithë procesin e vizave në Unionin.
Projekti parashikon që dokumentet fizike të zëvendësohen me ato digjitale. Qytetarët që janë pjesë e lëvizjes së lirë në zonën Shengen tashmë do të ndjekin vetëm aplikimin online dhe procedurat me dokumente fizike.
Ky proces parashikon të thjeshtojë procesin, të kursejë kohë për qytetarët dhe të shmangë procedurat burokratike. Zyrtarët e BE deklaruan se me këtë vendim nis një fazë e re që shmang udhëtime në konsullata dhe shpenzimet administrative.
Një vizë digjitale Shengen do e bëjë më të lehtë aplikimin për udhëtarët dhe në të njëjtën kohë do të ndihmojë për ta bërë zonën Shengen më të sigurt. Aplikimet online do të reduktojnë numrin e udhëtimeve në konsullatë dhe do ta bëjnë procesin më të qetë për administratat kombëtare.
Sipas ekspertëve të Bashkimit Europian, procedura e re e vizave i jep fund dhe rrezikut të falsifikimit të dokumenteve, si dhe vjedhjes së tyre.
Për këtë projekt BE po ndërgon një platformë të re, e cila është e mbrojtur dhe nga sulmet kibernetike. Në platformë qytetarët do të fusin të dhënat personale dhe pas pagesës së tarifës standarde do të marrin online njoftimin. Dokumenti do të ketë barkodin dhe element të tjerë sigurie, që njihen në gjithë hapësirën e zonës Shengen.
o.j/dita
