Një dyqan i bulmetit është vjedhur gjatë natës në qytetin e Pogradecit, në zonën e rrugës së spitalit.
Persona të pa identifikuar kanë hyrë në dyqan dhe kanë vjedhur një sasi prej 2 milionë lekë.
Bëhet e ditur se kjo është vjedhja e dytë brenda 5 muajsh për të njëjtin biznes.
“Jemi të shqetësuar dhe të frikësuar për punën tonë. Nuk mund të punojmë në këtë formë, të vidhemi dy herë në qendër të qytetit dhe të mos kapet askush. Duam që policia ta zbardhë ngjarjen sa më shpejt. Nuk jemi aspak të qetë dhe nuk e di nëse do ta vazhdoj më këtë punë. Është hera e dytë brenda 5 muajsh”, është shprehur pronari i biznesit.
Aktualisht policia e Pogradecit po sekuestron kamerat e bizneseve ngjitur dhe shenjat e gishtërinjve në brendësi të dyqanit.
Në të njëjtën rrugë vetëm disa muaj me parë u vodh një argjendari, për të cilën ranë në pranga 2 persona.
j.l./ dita
