Kryetarja e Komisionit Evropian, Ursula von der Leyen, në ditën e dytë të samitit të NATO në Vilnius reagoi dhe në lidhje për situatën e tensionuar në veri të Kosovës.
Zyrtarja e lartë europiane përsëriti thirrjen drejtuar Serbisë dhe Kosovës që të shtensionojnë situatën dhe të ulen në diskutime për zbatimin e udhërrëfyesit për të cilin kanë rënë dakord.
“Ka një plan të dedikuar dhe të qartë, një udhërrëfyes. U bëj thirrje të dyja palëve të de-përshkallëzojnë dhe t’i përmbahen udhërrëfyesit. Kjo është absolutisht vitale për të ecur përpara në mënyrë paqësore. Është e qartë se të dyja palët duhet të përmbushin atë që kanë rënë dakord”, tha kryetarja e Komisionit Evropian.
Mbrëmjen e kaluar qeveria e Kosovës bëri me dije se është arritur akordi me BE për uljen e tensioneve në veri, i cili nis me reduktimin e forcave policore dhe vijon me shpalljen e zgjedhjeve të reja në 4 komunat.
p.k\dita
