Vrasja e 14-vjeçarit, vihet në pranga autori, pas ngjarjes postoi foto në “Snapchat”

Ditën e sotme është arrestuar autori i vrasjes së 14-vjeçarit, Martin Cani pranë shkollës “Fan Noli”.

I arrestuari, është moshatar i viktimës, ndërsa akuzohet për veprat penale “Vrasja me dashje e kryer ndaj të miturit” dhe “Prodhimi, mbajtja, blerja apo shitja pa leje e armëve të ftohta”.

Autori dyshohet se ka qenë në klasë paralele me viktimën, në shkollën 9-vjeçare Fan Noli.

Teksa konflikti ka agravuar, raportohet se adoleshenti me iniciale M. P. ka nxjerrë thikën dhe ka qëlluar mbi 14-vjeçarin.

Pasi është goditur me thikë, i mituri është afruar tek shkolla, ka ecur disa metra dhe ka nisur të humbë gjak, më pas është rrëzuar në trotuarin para shkollës.

Si pasojë e plagëve të marra, Cani ka ndërruar jetë në spital, ndërsa shoku i tij po ashtu i plagosur ndodhet jashtë rrezikut për jetën.

I plagosur nga ngjarja mbeti edhe vetë autori.

j.l./ dita