Pas 9 vitesh është zbuluar e vërteta mbi vrasjen e bujshme në ishullin Kos të Greqisë.
Një 54-vjeçar me origjinë shqiptare, Jani Zoto, u arrestua në shtëpinë e tij për vrasjen me thikë të 43-vjeçares Aciu Flopjca-Aurica. Ajo ishte me origjinë nga Rumania, nënë e 3 fëmijëve të mitur me të cilën bashkëjetonte prej vitesh.
Ngjarja shkaktoi bujë pasi 43-vjeçarja u gjet e zhveshur në vaskë dhe kishte shumë therrje në trup.
Sipas fqinjëve në orën 13:00 të 14 prillit 2014 dëgjuan klithma për ndihmë, ndërsa në 13:30, 54-vjeçari shqiptar doli i tmerruar nga shtëpia.
Kos është ishulli i tretë më i madh i Dodekanezit për nga zona, pas Rodosit dhe Karpatosit në Greqi.
Për këtë ngjarje nuk u zbuluan kurrë provat e mjaftueshme, por Jani Zoto u dënua me burgim të përjetshëm për vrasje me paramendim.
Në muajin prill të vitit 2023 në Gjykatën e Apelit, Policia greke dëshmoi për pafajësinë e shqiptarit pasi nuk përputhej me ADN-në e paidentifikuar në thikën dhe trupin e viktimës.
Në korrik 2023, pas një grabitje në një dyqan në Gjermani u arrestua një pakistanez, i cili dëshmoi se është vrasësi i 43-vjeçares, fakt që u konfirmua dhe nga ADN e gjetur në vendin e krimit.
Nga raportimet e policisë greke mësohet po ashtu se pakistanezi në vitin 2014 banonte në të njëjtin pallat me çiftin.
Pas 9 vitesh Zoto ka fituar pafajësinë e tij, falë drejtësisë gjermane që ka mundur të arrestojë kriminelin pakistanez dhe të zbardhë vrasjen në ishullin grek.
p.k\dita
Hajde BE hajde, ku ne po lutemi të shkojmë!?… Shikoni se çfarë drejtësie ka një vend anëtar i BE- si Greqia dhe BE bën sehir! . Asnjëherë nuk ka ndodhur kështu në drejtësinë shqiptare e përfolur me të drejtë, para se të ngrihej SPAK.
BE është në hall të madh për vete jo ma ne të shkojme atje. BE kërkon të jemi sikur ishim në komunizem shtet i fortë e i drejtë, sa per kyt Shqiptarin duhet të marre dëmshpërblim për vitet e burgut kot. Greqia shtet nazist sa Shqiptarë të pafajshëm ka në burgjet shoviniste greke.
Kjo ka ndodhur sepse ne Greqi shqiptaret paragjykohen si njeres te dores se dyte . Dyshimet e para , per shume e shume krime bien mbi shqiptaret dhe , kur nuk arrihet te identifikohet autori i krimit , mjafton te jete diku per rreth ndonje shqiptar per t`i ngarkuar dhunshem autoresine e krimit . Kjo nuk eshte hera e pare qe ndodh nje gje e tille . Flm gjermaneve per objektivitetin e treguar .
Greqia e ka denuar me para gjykim ashtu sic ben me shumicen e shqiptareve qe enden neper gjykatat greke.