Detajet të reja janë zbardhur në lidhje me vrasjen e 44-vjeçares shqiptare nga bashkëshorti i saj në Selanik.
Mësohet se viktima kishte dalë në ballkon e plagosur dhe e gjakosur për të kërkuar ndihmë por 53-vjeçari e tërhoqi sërish brenda në banesë.
Shqiptari pasi e ka futur sërish në banesë gruan e ka goditur me thikë disa herë në bark dhe qafë. Fatkeqësisht ajo nuk arriti tu mbijetonte plagëve dhe humbi jetën si pasojë e gjakderdhjes.
53-vjeçari pas ngjarjes së rëndë është hodhur nga ballkoni. Ai mbeti i plagosur rëndë dhe ndërroi jetë rrugës për në spitalin Papanikolaou.
Çifti kishte dy fëmijë të moshës 16 dhe 21 vjeç, ndërsa në momentin e krimit nuk ndodheshin në banesës. Vajza e mitur e çiftit shqiptar raportohet se ishte në shkollë.
Dy vajzat e çiftit shqiptar ndodhen në gjendje shoku dhe mësohet se nuk kanë mundur të dëshmojnë në polici. Fqinjët janë shprehur se nuk kanë dëgjuar zëra nga banesa.
Sipas vëllait të 44-vjeçarit, i cili sapo u informua shkoi në banesën ku ndodhi vrasja, çifti nuk po debatonte, duke u shprehur se ishin njerëz të qetë. Varrimi i gruas do të bëhet nesër më 14 Mars në Shqipëri. Gjithashtu edhe varrimi i 53-vjeçarit do të bëhet në atdhe në ditët në vijim.
j.l./ dita
