E mitura në Itali, Elena u godit 11 herë me një armë që përputhet me një thikë kuzhine.
Njëra goditje rezultoi fatale pasi i preu enët e arteries subklaviane. Mirëpo, vdekja e vogëlushes nuk ndodhi menjëherë. Kështu mësohet nga burime të Prokurorisë Publike italiane mbi rezultatet e para të autopsisë së kryer ndaj vajzës së vrarë nga nëna e saj, Martina Patti, 23-vjeçare, e cila ka pranuar krimin.
5-vjeçarja u vra në shtëpi nga nëna e saj me thikë kuzhine me 15 qershor. Ka qenë presioni i hetuesve që e bënë nënën e saj Martina Patti të tregonte se ka qenë ajo autorja e krimit makabër. E reja ka rrëfyer para karabinierëve dhe prokurorëve se kishte vrarë vajzën e saj pasi ishte xheloze se vajza ishte e afërt me partneren e ish-bashkëshortit, më pas ajo inskenoi rrëmbimin për të mbuluar vrasjen.
Ndërkohë nëna e 5-vjeçares vazhdon të jetë në burg. Gjykata lëshoi një urdhër paraburgimi për vrasje të shumëfishtë me paramendim dhe fshehje të kufomës. Gjyqtarët kanë nisur hetimet për të zbuluar nëse arma e vrasjes e përdorur ishte vetëm thika apo ajo ka përdorur edhe diçka tjetër.
Ka dyshime se nëna e 5-vjeçares organizoi gjithçka përpara se të sulmonte me thikë trupin e Elenës së vogël. Historia e shpikur e rrëmbimit nga tre persona të armatosur dhe me kapuç është dëshmi për hetuesit.
Vdekja e vogëlushes dyshohet se ka ndodhur rreth orës 13:00 mirëpo do duhen edhe disa ditë për të zbardhur të plotë krimin e rëndë.
j.l./ dita
“Lajmi nuk eshte lajm po nuk kulloje gjak..!” Ka thene nje gazetar i famshem amerikan. Nen kete moto gazetat kapen mbas gjakut si vampiri duke pershkruar me detaje se si e theri femijen , sa here e goditi me thike , sa gjak rrodhi nga plaga e e vajzes , per sa minuta u perpelit ne syte e nene perpara se te jepte frymen e fundit Kjo eshte nje drame brenda familjes . Mbase duhen lene ne hallin e tyre , ne ftkeqsine e tyre , te harruar ne privatsine e tyre .