Gjykata e Durrësit ka liruar me kusht Arbër Paplekajn, ish-efektivin e RENEA-s, i cili u përfshi në konfliktin me armë në Elbasan, katër ditë para zgjedhjeve parlamentare të vitit 2021 ku mbeti i vrarë Pjerin Xhuvani.
Nga argumentet e paraqitura të cilat gjykata i pranoi, Paplekaj e kërkoi lirimin me argumentin se ka vuajtur pjesën më të madhe të dënimit të marrë nga apeli ndërsa bëhet me dije se vendimi ende nuk është administruar zyrtarisht.
Kujtojmë që në vitin 2024 Gjykata e Apelit ndryshoi vendimin e dhënë nga Gjykata e Elbasanit, duke ia ulur dënimin nga 22 në 7 vite burg. Po ashtu apeli ndryshoi dhe akuzën nga “vrasje në rrethana cilësuese” në “vrasje në kushtet e tronditjes psikike”.
Gjykata e Apelit shpalli gjithashtu të pafajshëm gjashtë efektivët e Shqiponjave – Dedion Duraku, Pëllumb Biçaku, Erion Balla, Erion Meçja, Donald Dedja dhe Besmir Kadiu – të cilëve gjykata e Elbasanit u kishte dhënë dënimin me 16 muaj shërbim prove.
Edhe dy ish-zëvendësdrejtorët e Policisë së Elbasanit, Albert Nushi dhe Nikollaq Palla, u shpallën të pafajshëm, pasi gjykata e Elbasanit ua kishte dhënë nga 1 vit shërbim prove secilit.
Ngjarja ka ndodhur në vitin 2021 gjatë një shkëmbimi zjarri ku mbeti i vrarë Pjerin Xhuvani dhe të plagosur Emiljani Prenga, Paulin Vuksani – dhëndri i Xhuvanit, Edjon Budani dhe efektivja e policisë Xhensila Sota. Paplekaj ka pranuar krimin, duke deklaruar se qëlloi për vetëmbrojtje pasi u qëllua më parë nga persona që sipas tij po blinin vota.
j.l./ dita
Strazimiri nuk e ditka se Saliu nuk degjon nga veshi i djathte edhe te majtin e ka me pajisje degjimi! Urime PD dhe Sali me ne fund djali i Fahrit u be minister!
Pra e liron gjykata,,dhe e gjykon familja e te vrarit,,kete futeni tek lista e te humburve,,se ta fal gjykata por sta fal gjakun tjetrit,,,
Sa pak kushton jeta e një qytetari, kjo ndodh vetëm në Shqipëri
Eee re pipi goxha mjek do merje ment e Politikes.Nje eshte Ai edhe mjek edhe Sigurimi shtetit,edhe cub,edhe vrases edhe hajdut edhe demagog 81 vjecar.Eshte fshat e zanat.Nuk ishe nga ai fshat ti,,Ishe nga fshati Aleksander Xhuvanit,Visarjon Xhuvanit,.C`tu desh gangsterlleku ty?
Te ishte Saliu ne pushtet do i kishte djegur edhe kullat ne fshat ketij cecenit qe vrau ne mes te rruges ne syte e policve .