Një vrasje e dyfishtë ka ndodhur pasditen e kësaj të enjte në Shkodër.
Dy persona janë ekzekutuar në Dukagjin, pronarë të një shtëpie. Viktimat janë Gjoke Gurra dhe Eduart Gurra.
Mbrëmjen e kaluar, viktimave, persona që nuk janë identifikuar ende u kanë djegur shtëpinë në fshatin Bruçaj, të njësisë Pult, në Dukagjin.
Policia e Shkodrës është nisur drejt vendngjarjes teksa nuk dihen ende motivet e vrasjes. Gj. Gurra ishte ish-polic.
Shkodër/Informacion paraprak
Rreth orës 16:40, në fshatin Sumë, Njësia Administrative Pult, në rrethana ende të paqarta janë vrarë me armë zjarri shtetasit Gj. G., 57 vjeç dhe djali i tij, E. G., 31 vjeç, banues në lagjen “Partizani”, Shkodër.
Shërbimet e Policisë dhe Grupi hetimor janë nisur menjëherë për në vendngjarje.
Me mbërritjen e shërbimeve dhe sqarimin e rrethanave të ngjarjes do të japim përsëri njoftim më të detajuar.
o.j/dita
