Një 42-vjeçar shqiptar u vra me thikë pasditen e të dielës, përpara një lokali në Bettola, një qytet i vogël në provincën e Piacenza. Mediat italiane shkruajnë, se i riu i shqiptar humbi jetën si pasojë e tre goditjeve në qafë, të cilat rezultuan fatale.
Kur ambulanca mbërriti në vendngjarje, shqiptari gjendej i shtrirë në trotuar, në një pellg gjaku. Mjekët tentuan të ofronin ndihmën e parë, por pavarësisht përpjekjeve, ai nuk arriti të mbijetonte dhe vdekja e tij u konfirmua në vendngjarje.
Autoritetet italiane kanë nisur hetimet për zbardhjen e rrethanave të vrasjes dhe kapjen e autorit apo autorëve të krimit. Karabinierët po vijoj në punën për mbledhjen e provavae të mundshme për zbardhjen e ngjarjes.
Aktualisht, motivet e krimit mbeten të paqarta dhe policia është në kërkim të dëshmitarëve që mund të kenë informacion të vlefshëm për ngjarjen.
Ndër hipotezat që po shqyrtohen është ajo e një mosmarrëveshjeje që ka përfunduar në një tragjedi të rëndë. Hetimet janë në zhvillim e sipër, ndërsa komuniteti në Bettola është tronditur nga kjo ngjarje e dhunshme.
i.b./dita
