Ministria e Financave e SHBA-së vendosi sanksione ndaj Aleksandër Vulin, drejtor i Agjencisë për Siguri dhe Informacion, ish-ministër i Mbrojtjes dhe Punëve të Brendshme.
Kjo u bë e ditur një ditë më parë në llogarinë në Twitter të Ambasadës Amerikane në Beograd.
“Ky veprim nuk ka për qëllim asnjë nga institucionet e Republikës së Serbisë. SHBA është e palëkundur në përpjekjet e saj për të ekspozuar ata që janë të përfshirë në aktivitete korruptive dhe destabilizuese që minojnë sundimin e ligjit në Ballkanin Perëndimor dhe thellojnë ndikimin keqdashës të Rusisë në rajon. SHBA vazhdon të mbështesë qytetarët e Serbisë në rrugën për të reformuar sistemin gjyqësor, për të luftuar korrupsionin dhe për të krijuar një të ardhme më të mirë”, thuhet në një postim në Twitter nga Ambasada Amerikane.
Ministarstvo finansija SAD uvelo je sankcije Aleksandru Vulinu, direktoru Bezbednosno-informativne agencije, nekadašnjem ministru odbrane i unutrašnjih poslova. Ova akcija nije usmerena ni na jednu od institucija Republike Srbije. SAD su nepokolebljive u naporima da razotkriju…
— Američka ambasada (@USEmbassySerbia) July 11, 2023
Vulin u vendos në listën e personave nën sanksionet e administratës amerikane për “përfshirje në krimin e organizuar transnacional, operacione të paligjshme në lidhje me narkotikët dhe shpërdorim të detyrës publike”.
Autoritetet amerikane pretendojnë se Vulin “duke abuzuar me detyrën e tij publike” ndihmoi tregtarin e armëve Slobodan Teshiç që “dërgesat e tij të paligjshme të armëve të lëviznin lirshëm përtej kufijve të Serbisë” dhe i ofroi Rusisë “një platformë për të mëtejshme keqdashëse për të pasur ndikim në rajon”.
j.l./ dita
