Një nga koncesionet në shëndetësi që ka krijuar një gropë të madhe në buxhet është padyshim sterilizimi i pajisjeve mjekësore, të përdorura gjatë ndërhyrjeve dhe operacioneve. Në dukje një shërbim mjaft utilitar, ku para se t’i jepej privatit në 2015-ën, “puna” bëhej nga vetë shteti, madje me kosto shumë herë më të ulët sesa po e bën privati.
Në marrëveshjen koncesionare ishte parashikuar që kostoja totale për 10 vite të ishte 100 milionë euro. Por, kur jemi në vitin e fundit dhe pa dalë ende bilanci i vitit 2025, kostoja duket se po shkon në shifrën e 150 milionë eurove. VoxNews raportoi disa ditë më parë se vetëm në dy vitet 2023 dhe 2024, shteti i dha firmës “Sani Service” plot 33 milionë euro, ose sa 1\3 e vlerës së koncesionit.
Por, kush shtetar firmosi që t’i jepej kjo shumë? Dukshëm në tejkalim të vlerës së fondit tavan të miratuar në marrëveshje! Madje, firma ka ardhur edhe në kohën që kjo marrëveshje ishte nën hetim nga Prokuroria e Posaccme, ku disa zyrtarë shtetërore janë nën arrest, ashtu si edhe disa pronarë të firmës.
Letrat kanë vijuar që të përdoren, si nga firma koncesionare ashtu edhe nga zyrat e shtetit, ku Fondi i Kujdesit Shëndetësor, ka “lëshuar” dorën dhe ka xhiruar miliona euro. Duket si një skemë që përdoret rëndom në të gjitha koncesionet, ku firmat kryesisht të huaja fitojnë me letra punët apo pasuritë publike dhe më pas shtojnë staf dhe bëjnë punë me nënkontraktorë që bilancet ti nxjerrin gjithmonë me humbje apo me fitime minimale.
Në foto: Organigrama e punonjësve të firmës “Sani Service”, ku 40 % të aksioneve që prej vitit 2023 administrohen nga shteti shqiptar
VoxNews ka publikaur dokumente se firma koncesionare xhiroi në vititn 2024 plot 18 milionë euro. Ndërkohë, megjithë këto para të qarkulluara, ajo fitoi vetëm 675 mijë euro! Një shifër e papërfillshme, e cila të dikton se diçka nuk shkon. Ose menaxhimi lë shumë për të dëshiruar, ose stafi dhe punët e kota janë shtuar, duke mos lënë asnjë kacidhe në qarkullim, por të shkojnë për paga, dieta apo shpërblime.
VoxNews ka shfletuar dokumente të tjera të kësaj firme, kryesisht organigramën e kompanisë. Nëse do e shohësh me vëmendje, duket se pjesa më e madhe janë drejtorë apo punonjës që u shërbejnë drejtorëve. Janë një mori përgjegjësash, të cilësisë, të qendrën, të cilësisë së punës, drejtora operativ, specialista të produkteve, konsulentë, përgjegjës personali, përgjegjës centrali, apo të sallës operative.
Firma operon me Asamble e aksionerëve, drejtorë teknik që varen direkt nga asamblea, përgjegjës të tjerë. Madje, ede administratorë te deleguar, përgjegjës për sigurinë e punës, drejtorë operative, dhjetëra përgjegjës të informacionit, të magazinës. Ndërohë, që gjithë këta përgjegjësa dhe drejtora kanë me dhjetëra asistentë apo konsulentë, ku në fund të gjithë zinxhirit janë disa punonjës që bëjnë këto sterilizime.
Faksimile: E gjitha firma koncesionare ka 270 punonjës, ku pjesa më e madhe janë drejtora, administratorë, përgjegjësa, asistentë apo edhe konsulentë
Në dokumentet e firmës mësohet se i gjithë struktura përbëhet nga 270 punonjës, ku shumica janë drejtorë, përgjegjësa që renditëm më sipër. Ndërkohë, që vetëm një pjesë janë punonjës operativë, ata që bëjnë edhe punën në terren.
Më shumë ngjason me një qarkullim të madh të parave sesa me punët që realizohen në 29 spitale, ku padyshim edhe ndërhyrja e vetë shtetit që kontrollon 40 % të firmës, nuk ka sjellë ndërprerjen e abuzimeve apo edhe të shtimit të kostove. Por nëse do të qarkullosh miliona euro, të shkosh deri në 50 milionë më tepër sesa kontrata, kush po guxon që t’ia firmosë?
Ndoshta, edhe punonjësit e Fondit të Kujdesit Shëndetësor kanë marrë urdhra nga lart, që të vijojnë pagesat pa ndërprerje, megjithëse në një tejkalim të plotë të të gjithë fushës. Aq më tepër me një staf të stërmadh, ku pagat e tyre duhet të kapin majat, njëjtë si Bankers apo edhe Abchrome.
Vox News
