YouTube ka rikthyer llogarinë e ish-presidentit amerikan Donald Trump pas një pezullimi prej dy vjetësh nga platforma e ndarjes së videove. Njoftimi vjen pas vendimeve të ngjashme të marra nga kompania Meta, që zotëron Facebook-un dhe Instagramin, si dhe Twitteri në pronësi të Elon Musk.
Ish-presidentit amerikan iu ndalua të postonte video në YouTube në Janar 2021, pasi pretendohej se kanali i tij kishte thyer rregullat për nxitje të dhunës. Qindra protestues hynë në ndërtesën e Kapitolit teksa Kongresi Amerikan përpiqej të vërtetonte fitoren e Joe Biden në zgjedhjet presidenciale.
Por në vitin 2022, Trump bëri me dije se do të kandidonte për në krye të Shtëpisë së Bardhë dhe që atëherë llogaritë e tij në të gjitha këto platforma janë rikthyer.
Zëdhënësi i fushatës së tij për Fox Neës u shpreh në janar se rikthimi në Facebook do të ishte një mjet i rëndësishëm për fushatën presidenciale të 2024 për të arritur tek votuesit.
Ish-kreu i Shtëpisë së Bardhë themeloi platformën e tij të mediave sociale të quajtur Truth Social në fund të vitit 2021 të cilën ai e përdori për të komunikuar me mbështetësit e tij.
o.j/dita
