Një hap gjigant, nëse është i vërtetë lajmi se roveri Zhurong, një mjet robotik që është pjesë e misionit kinez “Tianwen-1”, ka gjetur prova të ujit të lëngshëm në dunat e planetit të kuq.
Ky përparim është arritur edhe në gjerësi të ulëta marsiane, fakt që tregon se uji është i pranishëm. Studimi, i udhëhequr nga Prof. Qin Xiaonguang, nga Instituti i Gjeologjisë dhe Gjeofizikës i Akademisë Kineze të Shkencave, u botua së fundmi në ‘Science Advances’.
Zbulimi do të datonte në një periudhë midis 1.4 milionë dhe 400,000 vjet dhe do të përfaqësonte një hap evolucionar në lidhje me llogaritjet e ngritura deri më sot.
Më konkretisht, hulumtimi tregon imazhe dhe matje kimike nga roveri, që sugjerojnë se shkrirja e xhepave të vegjël të ujit të ngrirë në atë periudhë ka formuar çarje, agregate dhe veçori të ndryshme në sipërfaqen e dunave.
Sikur të mos mjaftonte kjo, në analizën e mëvonshme të të dhënave spektrale, Quin Xiaonguang dhe ekipi i tij treguan se shtresa sipërfaqësore e dunës është e pasur me sulfate të hidratuar, silicë të hidratuar (veçanërisht CT-opal), minerale trevalente oksid hekuri (veçanërisht ferrihidrit) dhe mundësisht kloride.
a.q. / dita
