Birra ka qenë një pije shumë e vlerësuar në të gjithë botën për shekuj me radhë. Nga birrat bionde, tek ato të errëta, ka një birrë për çdo shije. Nga të gjitha ato janë raportuar përfitime të panumërta shëndetësore. Por ka diçka tjetër që mund të jetë një para dhe pas në kërkimet për trajtimin e Alzheimerit, një sëmundje neurodegjenerative që nuk ka shërim.
Me sa duket, sipas një studimi, rezultatet e të cilit janë publikuar në ‘ACS Chemical Neuroscience’, komponimet e nxjerra nga lulet e hopit (Hopes), një përbërës kyç i birrës, mund të pengojnë grumbullimin e proteinave beta amiloide të lidhura me sëmundjen Alzheimer.
Kjo sëmundje, e cila zakonisht karakterizohet nga humbja e kujtesës dhe ndryshimet e personalitetit tek të moshuarit – por mund të prekë njerëz të çdo moshe – është shumë e vështirë për t’u trajtuar për shkak të kohës që kalon midis fillimit të proceseve biokimike themelore dhe shfaqjes së simptomave. Në fakt, mund të duhen disa vite përpara se të shfaqen simptomat, që do të thotë se dëmtimi i pakthyeshëm i sistemit nervor tashmë ka ndodhur.
Këtu hyjnë në lojë ushqimet nutraceutike, ushqimet me veti mjekësore. Studiuesit kanë qenë prej kohësh duke studiuar potencialin e lëndëve ushqyese për të parandaluar dhe trajtuar sëmundje të tilla si Alzheimer. Dhe tani ata janë kthyer te lulja e hopit si një burim i mundshëm i këtyre përbërjeve medicinale.
