Një gibon që jetonte vetëm në kafazin e saj solli në jetë të voglin e saj. Kujdestarët japonezë të kopshtit zoologjik më në fund e kanë përgjigjen.
Momo dhe Iti kishin arritur të çiftëzoheshin përmes një vrime të vogël në një pllakë çeliku midis rrethimeve të tyre. Vrima kishte një diametër rreth 9 milimetra.
Foshnja majmun – i cili ende nuk ka një emër – tani peshon rreth 2 kilogramë dhe po “rritet i shëndetshëm” nën vëmendjen e dashur të Momo-s, tha kopshti zoologjik. “Është një jetë e çmuar e lindur në botë, ne do të vazhdojmë të kujdesemi për të dhe të shpresojmë që të jetojë një jetë të gjatë të shëndetshme”, tha Hideki Hisano, zëvendësdrejtor i kopshtit zoologjik.
Gibbons janë ndër majmunët më të vegjël, por ata kanë zëra të lartë këndimi. Mund të hidhen nga dega në degë me shpejtësi deri në 35 milje në orë. Ka dhjetëra lloje gibonësh që janë vendas në pjesë të Azisë, duke filluar nga India verilindore në Kinë dhe deri në arkipelagun e Borneos. Popullsia e gibonëve në natyrë ka ardhur duke u zvogëluar dhe ato janë renditur si specie të rrezikuara në Bashkimin Ndërkombëtar për Ruajtjen e Natyrës, sepse habitati i tyre kërcënohet nga aktivitetet njerëzore si shpyllëzimi, minierat dhe ndërtimi i rrugëve.
o.j/dita
