Kancelari gjerman, Olaf Scholz, u propozua zyrtarisht si kandidat i socialdemokratëve për zgjedhjet në Gjermani, të cilat do të mbahen më 23 shkurt.
Siç raporton BILD në konferencën e Partisë Social Demokrate (SPD) në Berlin, shumica dërrmuese e 600 delegatëve votuan në favor të 66-vjeçarit, me një votë të qartë.
Në fjalimin e tij, Scholz paralajmëroi për rreziqet e një kontrolli të CDU/CSU. Ai theksoi gjithashtu se shkurtimet e taksave të premtuara nga Partia Kristian Demokratike (CDU/CSU) do ta bëjnë edhe më të lehtë për “milionerët dhe miliarderët” dhe se “njerëzit e zakonshëm do të paguajnë faturën me ulje të ardhurash për kujdesin shëndetësor dhe pensionet”.
Për më tepër, Scholz deklaroi se gjendja e jashtëzakonshme që mbizotëron në botë kërkon një qeveri me maturi, qartësi dhe përvojë.
Scholz u emërua unanimisht si kandidat për kancelar nga bordi federal i SPD në fund të nëntorit, pavarësisht kritikave nga krahu rinor i partisë, SPD Jusos.
i.b./dita
