BBC ka kërkuar falje pasi zhurmat seksuale ndërprenë transmetimin e drejtpërdrejtë televiziv të FA Cup.
U dëgjuan rënkime dhe zhurma ndërsa Gary Lineker prezantoi riluajtjen e raundit të tretë mes Wolves dhe Liverpool të martën.
“I kërkojmë falje çdo shikuesi të ofenduar gjatë transmetimit të drejtpërdrejtë të futbollit këtë mbrëmje”, tha BBC.
Një zëdhënës tha se BBC po hetonte incidentin. Lineker u përpoq të qeshte me incidentin ndërsa prezantoi programin në një studio në stadiumin Molineux të Wolverhampton së bashku me ekspertët Paul Ince dhe Danny Murphy.
Teksa i drejtohej kolegut dhe ish-sulmuesit të Anglisë, Alan Shearer, ai tha: Dikush po i dërgon diçka në telefonin e dikujt, mendoj. Nuk e di nëse e keni dëgjuar në shtëpi.
Duke folur në Newsnight të BBC Two më vonë të martën, Lineker shpjegoi se fillimisht mendoi se një video ishte dërguar në telefonat e një prej ekspertëve. Por ishte “shumë e zhurmshme”, tha ai dhe në atë moment ai kuptoi se incidenti ishte një lloj shakaje.
I pyetur se sa i lartë ishte efekti i zërit në studio, transmetuesi tha se ai nuk ishte në gjendje të dëgjonte atë që dikush po i thoshte në vesh, duke e bërë “shumë të vështirë” vazhdimin e përgatitjes para ndeshjes.
View this post on Instagram
j.l./ dita
