Një zjarr ka rënë mbrëmjen e djeshme në katin e parë të një pallati në qytetin e Lushnjes.
Sipas informacioneve paraprake, shkak i flakëve ka qenë djegia e panelit elektrik. Forcat zjarrfikëse kanë ndërhyrë menjëherë dhe kanë arritur ta vendosin nën kontroll, duke shmangur përhapjen në katet e tjera.
Ngjarja ka shkaktuar panik dhe ankth tek banorët e pallatit, të cilët u detyruan të dilnin me nxitim jashtë. Sipas raportimeve paraprake, disa prej banorëve janë dërguar me urgjencë në spital për shkak të tymit.
Aktualisht, në ndërtesë mungon energjia elektrike, ndërsa ashensorët kanë dalë jashtë funksionit.
