Tiranës, të cilët i falënderoi për angazhimin e treguar gjatë sezonit të zjarreve dhe për ndërhyrjet në situata të ndryshme emergjente.
Gjatë takimit, Demo theksoi se puna për përgatitjen e sezonit të ardhshëm duhet të nisë që tani. Sipas tij, vëmendja nuk duhet të përqendrohet vetëm te ndërhyrja pas shpërthimit të zjarreve, por edhe te parandalimi i tyre, përmes një bashkëpunimi më të ngushtë me bashkitë dhe strukturat e Emergjencave Civile.
“Ne duhet të bëjmë shumë më tepër që të minimizojmë rastet ku ndërhyrja e zjarrfikësve është e nevojshme. Kjo ka të bëjë me menaxhimin e pyjeve, kullotave dhe gjithë masave të tjera që duhet të ndërmarrim”, u shpreh ministri.
Demo vlerësoi gjithashtu rolin e zjarrfikësve në garantimin e sigurisë së qytetarëve, duke nënvizuar se puna e tyre nuk kufizohet vetëm në shuarjen e zjarreve. Efektivët përballen çdo ditë edhe me aksidente rrugore dhe situata të tjera emergjente që kërkojnë ndërhyrjen e tyre.
Ministri theksoi se Shërbimi Zjarrfikës në Tiranë është fuqizuar vit pas viti, si në drejtim të shtimit të efektivëve, ashtu edhe në rritjen e kapaciteteve profesionale dhe përmirësimin e logjistikës.
Një tjetër çështje e diskutuar gjatë takimit ishte forcimi i trupave vullnetare, veçanërisht në zonat periferike të kryeqytetit. Sipas Demës, këto struktura mund të luajnë një rol të rëndësishëm në përballimin e situatave emergjente.
Ai vlerësoi gjithashtu gatishmërinë e zjarrfikësve të Tiranës për t’u ardhur në ndihmë bashkive të tjera të vendit në rastet e zjarreve dhe emergjencave.
Në përfundim, Demo shprehu mirënjohjen për zjarrfikësit dhe familjet e tyre, duke vlerësuar përkushtimin dhe sakrificën e efektivëve në mbrojtjen e jetës dhe pronës së qytetarëve.
j.l./ dita
