Një vatër zjarri është shfaqur këtë të mërkurë në disa parcela në Troshan të Lezhës, ku po digjen edhe ullishte. Flakët po përhapen me shpejtësi të ndikuara edhe nga era si dhe bari i thatë.
Banorët janë angazhuar menjëherë për të shuar flakët, ndërsa më pas iu janë bashkuar edhe zjarrfikësit. Ndërkohë, një tjetër vatër në Zejmen ka djegur mbi 10 hektarë me ullinj dhe vreshta.
Dy zjarrfikëse u vendosen në zonë për të izoluar vatrën, por për shkak të terrenit shuarja e flakëve nuk ishte e shpejtë. Ashtu si edhe në Troshan banorët në Zejmen kërkojnë që të verifikohet dëmi dhe të parashtrohet kërkesa për mbështetjen e fermerëve që u dëmtuan.
o.j/dita
