Flakët po shkrumbojnë një zonë pylli me kullotë e shkurre në malin e Shpiragut, që prej mbrëmjes vonë të së enjtes (24 gusht 2023).
Vatrat e zjarrit janë përhapur dhe për shkak të erës, që favorizon flakët, jo shumë larg nga zona ku bëhen kërkimet për naftë nga “SHELL”.
Në vendngjarje ndodhen forcat zjarrfikëse, por terreni i vështirë dhe errësira i pengojnë efektivët, teksa mali ka një lartësi mbi 1 mijë metra.
Zjarret duken edhe nga qyteti i Beratit, teksa nga hetimet paraprake dyshohet për një zjarrvënie të qëllimtë.
