Gjykata Federale e Apelit në Federatën italiane te futbollit dënon Juventusin me heqjen e 10 pikëve në renditjen e këtij sezoni. Prokurori sportive kishte kërkuar heqjen e 11 pikëve, ndërsa gjykata vendosi për heqjen e 10 pikëve. Kjo e bën klubin bardhezi që për momentin nga 69 të zbresë në 59 pikë, teksa nëse fiton ndeshjen me Empolin në transfertë sot 20:45, atëherë shkon në 62 pikë, ose 2 më pak nga Milani i vendit të katërt pas aplikimit të këtij dënimi dhe 4 pikë nga Interi i vendit të tretë. Lacio e Hysajt dhe Tares rimerr vendin e dytë me zbatimin e dënimit ndaj Juves. Kur kanë mbetur edhe 2 ndeshje nga përfundimi i Serie A, Juventus gjithsesi luan shanset e tij nëse i fiton ndeshjet e mbetura dhe të presë hapa fals nga Milan dhe Inter.
