Presidenti rus Vladimir Putin ka njoftuar se do të jetë kandidat në zgjedhjet presidenciale të vitit 2024, raporton agjencia e lajmeve TASS.
Komisioni Qendror i Zgjedhjeve rus njoftoi sot se zgjedhjet do të mbahen për herë të parë në tre ditë: nga 15 deri më 17 mars.
Agjencia raportoi se Putini e bëri njoftimin brenda Kremlinit pasi dha dekoratën më të lartë ushtarake të vendit, yllin e artë të Heroit të Rusisë, ushtarëve që luftuan në Ukrainë.
Një mandat i ri do ta mbante atë në pushtet të paktën deri në vitin 2030.
Putinit iu dorëzua mandati i presidentit nga Boris Yeltsin në vitin 1999 dhe prej atëherë ka qëndruar në pushtet si president apo kryeministër.
Politikanët e opozitës i cilësuan zgjedhjet si një gjethe fiku të demokracisë që e zbukuron atë që ata e shohin si diktaturë të korruptuar të Rusisë së Putinit.
p.k\dita
