Kreu i Komisionit të Prokurimeve Publike, Jonaid Myzyri është paraqitur ditën e sotme në Prokurorinë e Posaçme, pasi është marrë zyrtarisht i pandehur. Myzyrit pritet t’i komunikohet sot akuza, pasi dyshohet për shkelje të barazisë në tendera.
Sipas informacioneve paraprake, nga hetimet rrjedhin dyshime se gjatë ushtrimit të funksionit, Myzyri ka ndikuar në mënyrë të padrejtë në procedurat e prokurimit publik, duke cenuar parimet e barazisë dhe konkurrencës.
Kryetari i Komisionit të Prokurimeve Publike u paraqit më 7 prill 2025 në ambientet e Prokurorisë së Posaçme ndërsa u mor në pyetje. Atë ditë pasi ka dalë nga ambientet e SPAK ai nuk ka bërë asnjë deklaratë për mediat, duke zgjedhur të heshtë përballë pyetjeve të gazetarëve.
j.l./ dita
