Një grup i strukturuar kriminal nga Kosova, i cili kryente trafikimin e lëndëve eksploziv nga Kosova në drejtim të Shqipërisë është goditur nga policia e Tiranës më 4 shkurt.
Në kuadër të operacionit “The Same”, u arrestuan 3 shtetas nga Gjilani i Kosovës, ndërsa dy të tjerë u shpallën në kërkim, ndërsa u sekuestruan 203 kallëpe më lëndë plaës, tritol, me peshë 46 kilogram.
Lënda futen në Shqipëri e fshehur në kuti kartoni të lëngjeve me fruta.
Deklarata e Policisë:
Seksioni për Hetimin e Trafiqeve të Paligjshme, i DVP Tiranë, pas një pune hetimore 4-mujore, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, duke përdorur metoda speciale të hetimit, bëri të mundur goditjen e një grupi kriminal nga Kosova, që kryente trafikim armësh dhe lëndësh eksplozive nga Kosova në drejtim të Shqipërisë.
Si rezultat i mirorganizmit të punës në kuadër të operacionit policor të koduar “THE SAME”, më datë 04.02.2024, në afërsi të urës së Gjolës u bë arrestimi në flagrancë i shtetasve:
Rigon Maliqi, 20 vjeç, Lion Pira, 25 vjeç dhe Shkelqim Halabaku, 27 vjeç, të tre banues në Gjilan.
Në kuadër të këtij hetimi, u shpallën në kërkim edhe 2 shtetas kosovarë.
Gjithashtu, gjatë operacionit u sekuestruan 203 kallëpë me lëndë plasësë të dyshuar tritol TNT, me peshë 46 kg. Kjo sasi ishte destinuar për t’u përdorur nga grupe kriminale të ndryshme, në territorin e Republikës së Shqipërisë.
Në kuadër të këtij procedimi janë sekuestruar edhe 3 celularë dhe 1 automjet.
Më parë, në kuadër të këtij procedimi janë zhvilluar 2 operacione, janë vënë në pranga 2 shtetas dhe janë sekuestruar 4 armë zjarri pistoleta, së bashku me krehra dhe municione luftarake, të cilat janë trafikuar nga Kosova në drejtim të Shqipërisë.
j.l./ dita
Sic duket Gaz bardha erdhi me bisht ne shle nga Amerika,bashke me Mediun! Te dy vrasese ne Gerdec dhhe Elbasan! Llumi s’ka turp llum eshte!