Gjysmë milion njerëz infektohen çdo ditë nga Covid-19 në një qytet të vetëm kinez. Kjo u konfirmua nga një zyrtar i lartë shëndetësor në qytetin Qingdao, në një raport të shpërndarë në mediat sociale por i “korrigjuar” në brenda pak orësh.
Pekini ka ndryshuar kriteret për përcaktimin e vdekjeve nga Covid duke ngushtuar ndjeshëm numrin. Megjithatë, një gazetë e drejtuar nga Partia Komuniste në Qingdao raportoi se shefi i shëndetësisë bashkiake tha se qyteti po regjistronte “midis 490,000 dhe 530,000” raste të reja të Covid në ditë.
Qingdao, një qytet bregdetar me rreth 10 milionë banorë, thuhet se përjetoi “një periudhë transmetimi të shpejtë që i afrohet kulmit”, duke specifikuar se shkalla e infeksionit do të përshpejtohej me 10% gjatë fundjavës.
Raporti u shpërnda nga disa media të tjera, por duket se është redaktuar brenda disa orësh për të hequr shifrat.
Komisioni Kombëtar i Shëndetit i Kinës tha se dje ishin 4,103 infeksione të reja në mbarë vendin. Në Shandong, provinca ku ndodhet Qingdao, autoritetet kanë regjistruar zyrtarisht vetëm 31 raste të reja shtëpiake.
Pothuajse 250 milionë njerëz në Kinë mund të jenë infektuar me Covid-19 në 20 ditët e para të dhjetorit.
Zhdukini kinezet nga Tirana se do na bien Covid-23 shume shpejt.