Të shtëna me armë zjarri janë regjistruar pak më parë në qytetin e Korçës, ku për pasojë ka mbetur i plagosur një person.
Ngjarja e rëndë ka ndodhur në unazën e qytetit, ndërsa rrethanat e incidentit mbeten ende të paqarta.
Bëhet me dije se autori Nikolin Tarusha dhe i plagosuri Dhimitër Shaka janë kushërinj.
Po ashtu bëhet me dije se Tarusha dhe Shaka kanë qenë duke udhëtuar bashkë në një makinë, kur papritur Nikolin Tarusha ka nxjerrë armën e zjarrit dhe ka plagosur kushuririn e tij.
Si pasojë e të shtënave, Shaka ka marrë plagë në këmbë dhe është jashtë rrezikut për jetën.
Ai është dërguar me urgjencë në Spitalin Rajonal të Korçës, ku ndodhet nën kujdesin e mjekëve duke marrë mjekimin e nevojshëm.
Në vendngjarje kanë mbërritur menjëherë shërbimet e Policisë së Shtetit, të cilat kanë rrethuar zonën dhe kanë ngritur pika kontrolli.
Grupi hetimor po vijon punën për zbardhjen e plotë të dinamikës së ngjarjes, identifikimin e personave të përfshirë dhe kapjen e autorit. Hetimet vijojnë.
j.l./ dita
