Një shkencëtar në Mbretërinë e Bashkuar ka bërë thirrje që vendi të ndalojë përdorimin e nitriteve në mishin e përpunuar, pas publikimit të një studimi që shton provat që tregojnë se aditivët mund të rrisin rrezikun e kancerit.
Profesori Chris Elliott, i cili ka kryer studime për ndikimin e nitriteve i ka kërkuar qeverisë britanike që të ndalojë përdorimin e tyre në produktet e mishit.
Agjencia franceze e shëndetësisë ANSES konfirmoi një lidhje midis nitriteve dhe nitrateve në proshutë me zhvillimin e kancerit kolorektal, i njohur ndryshe si kanceri i zorrëve.
Elliott, së bashku me kolegët nga Universiteti Queen’s Belfast, kryen një studim të konsumit të mishit të derrit tek minjtë për tetë javë.
Minjve iu dha një dietë e përbërë nga 15 për qind ose mish derri pa nitrite, sallam pa nitrate ose sallam që përmban nitrit.
Minjtë u krahasuan me një grup kontrolli, i cili ishte ushqyer me një dietë e ekuilibruar e përbërë kryesisht nga drithërat.
Minjtë që konsumuan sallam me nitrit kishin 53 për qind më shumë mundësi për të zhvilluar kancer në krahasim me grupin tjetër.
“Rrezik shumë real për shëndetin publik”
Kanceri kolorektal është një nga kanceret më të përhapur në Europë dhe një nga shkaqet kryesore të vdekjeve.
Shumë organe shëndetësore këshillojnë uljen e rrezikut të zhvillimit të këtij kanceri duke ngrënë një dietë të shëndetshme dhe duke shmangur mishin e përpunuar dhe mishin e kuq.
NHS e Mbretërisë së Bashkuar rekomandon që kushdo që ha më shumë se 90 g mish të kuq ose të përpunuar në ditë duhet të reduktojë në 70 g, gjë që mund të ndihmojë në uljen e rrezikut të kancerit të zorrëve.
Vetem ne Amerike nuk ndalojet asgje . Amerikanet hajne keq si pasoje e FDA qe aprovon cdo ushqim te perpunuar.
Nuk po e lexoj fare kete shkrim sepse vete Docent Aleko Xoxa dhe profesori i fiziologjise Haxhi Aliko i kane pershkruar aspektin negativ te nitrateve dhe nitriteve qe para vitit 1982 .
Keshtu do ta pesojme kur “ligji” toleron paturpesine e grykesise per te fituar ne cdo gje dhe ne cdo moment .