Një aksident i trefishtë është regjistruar pasditen e sotme në autostradën Rrogozhinë- Lushnje në afërsi të fshatit Golem. Mësohet se një mjet tip “Porche Cayen” ka përfunduar në kanalin përgjatë autostradës, ndërsa ka shkaktuar dhe përplasje me mjetin tip “Toyota” dhe një tjetër mjet tip “Benz”.
Nga ky aksident kanë mbetur të plagosur tre persona të cilët janë nisur drejt spitalit të Lushnjes ku po mjekohen nën kujdesin intensiv të mjekëve. Lagështia në rrugë dhe prezenca e ujit dyshohet se kanë qenë shkaktarë të aksidentit të trefishtë.
i.b./dita
