Një aksident i rëndë është regjistruar pasditen e së hënës në aksin rrugor Elbasan-Peqin, ku janë përfshirë tri makina, duke lënë të plagosur tre drejtuesit e automjeteve jashtë rrezikut për jetën.
Në aksident janë përfshirë dy fuoristrada, Benz dhe Audi dhe një trajler, i cili pas përplasjes ka përfunduar poshtë një ure të vogël.
Fuoristrada tip “Benz” është shkatërruar krejtësisht ndërsa dëmtime ka edhe mjeti tip “Audi”.
Është dashur ndërhyrja e zjarrfikësve për të nxjerrë nga makina një prej drejtuesve të mjeteve, i cili kishte mbetur i bllokuar brenda.
Shkaqet e aksidentit janë ende të paqarta, teksa policia vijon hetimet.
i.b./dita
