Një aksident i rëndë raportohet se ka ndodhur mëngjesin e sotëm në Durrës, ku për pasojë ka humbur jetën një person dhe janë plagosur dy të tjerë.
Policia bën me dije se ngjarja ka ndodhur në rrugën “Martin Camaj”, dhe se viktimë ka mbetur 37-vjeçari me iniciale R.L., i cili ka ndërrar jetë në vendngjarje.
Sakaq, nga aksidenti janë dëmtuar shtetasja T. Ç., e cila drejtonte mjetin me të cilin u përplas 37-vjeçari dhe pasagjerja në automjetin e saj, shtetasja me iniciale K. D.
Njoftimi i Policisë:
Më datë 27.02.2025, në lagjen nr. 13, Durrës, në rrugën “Martin Camaj”, automjeti me drejtues shtetasin R. L., 37 vjeç, është përplasur me automjetin me drejtuese shtetasen T. Ç., 49 vjeçe.
Si pasojë ka humbur jetën në vendngjarje shtetasi R. L. dhe janë dëmtuar shtetasja T. Ç. dhe pasagjerja në automjetin e saj, shtetasja K. D., të cilat ndodhen në kujdesin e mjekëve.
Grupi hetimor po punon për zbardhjen e rrethanave të aksidentit.
j.l./ dita
