Një aksident është regjistruar ditën e sotme në Fushë-Arrëz. Mësohet se një automjet ka dalë nga rruga ndërsa ka humbur jetën shoferi.
Policia bën me dije se ngjarja ka ndodhur rreth orës 07:30 në aksin rrugor “Kryezi-Iballë”, në vendin e quajtur “Laku i Ballcit”.
Në njoftim është identifikuar edhe viktima, i cili është 40-vjeçari Shkelzen Lleshi. Grupi hetimor po punon për sqarimin e rrethanave të aksidentit.
Njoftimi i plotë:
Fushë Arrëz/Informacion paraprak. Rreth orës 07:30, në aksin rrugor “Kryezi-Iballë”, në vendin e quajtur “Laku i Ballcit”, shtetasi Sh. Ll., 40 vjeç, duke drejtuar automjetin, dyshohet se ka humbur kontrollin, dhe si pasojë automjeti ka dalë nga rruga. Për shkak të dëmtimeve, shtetasi Shkelzen Lleshi ka humbur jetën. Grupi hetimor po punon për sqarimin e rrethanave të aksidentit.
j.l./ dita
