Agjencia e Mbikëqyrjes Policore e Rajonit Elbasan-Korçë ka ndaluar punonjësin e policisë, Inspektorin me iniciale J. R., i cili ka detyrën e Oficerit të Patrullës së Përgjithshme në Komisariatin e Policisë Korçë. Ai dyshohet për veprat penale “Mosdhënia e Ndihmës”, “Largimi nga vendi i aksidentit” dhe “Shkelja e Rregullave të Qarkullimit Rrugor”.
Ndalimi i tij u bë pas një aksidenti rrugor që ndodhi më datë 03/03/2025, në aksin Hoçisht-Bilisht, ku Inspektori J. R. me mjetin e tij është përfshirë në një aksident që plagosi shtetasin me iniciale D. GJ. Pas aksidentit, ai është larguar nga vendi i ngjarjes pa i ofruar ndihmë të aksidentuarit dhe pa njoftuar organet e rendit, duke shkelur ligjin.
Si pasojë e aksidentit, shtetasi D. GJ. është transportuar në Spitalin e Traumës në Tiranë për mjekim të specializuar.
i.b./dita
