Kevin Spacey nuk i ka mbajtur dot lotët pasi u shpall sot i pafajshëm për ngacmimin seksual të katër burrave.
Dy herë fituesi i Oscar nisi të qante teksa qëndronte në bankën e të akuzuarve teksa lirohej nga të gjitha akuzat pas një gjyqi në të cilin dëshmuan njerëz si Sir Elton John dhe burri i tij David Furnish dhanë në mbrojtje të tij.
Spacey, i cili sot mbush 64 vjeç, akuzohej për për shpërdorim të pushtetit për të kryer nëntë sulme seksuale ndaj katër burrave gjatë kohës kur ishte drejtor artistik i teatrit Old Vic në Londër.
Akuzat jo vetëm që shkatërruan atë që kishte qenë një karrierë vezulluese e showbiz-it, por gjithashtu patën implikime të mëdha financiare për të pasi u detyrua të paguante 25.5 milionë paund për producentët e House of Cards pasi u shkarkua.
Atij i është dashur gjithashtu që të paguajë të paktën 1 milion £ tarifa për mbrojtjen dhe të shohë sesi redaktohet filmi Sir Ridley Scott All The Money In The World. Më herët në gjyq, Spacey i tha jurisë: “Kam humbur gjithçka”.
Vendimi ngre perspektivën që Spacey së shpejti mund të kthehet në ekrane pasi u shmang nga Hollyëood për gjashtë vitet e fundit.
Pas vendimeve të pafajësisë, Spacey vendosi dorën në gjoks, hodhi shikimin drejt panelit të jurisë dhe tha dy herë “faleminderit” përpara se të dilte nga salla e gjyqit.
