Gjykata e Posaçme kundër Korrupsionit dhe Krimit të Organizuar ka kthyer në SPAK dosjen ndaj ish-kreut të KPP-së Jonaid Myzyraj. Më herët, SPAK kishte kërkuar pushimin e procedimit për një nga episodet penale ku ish-kreu i KPP-së Myzyraj akuzohej për shkelje të barazisë në tendera.
Por gjykata ka kthyer dosjen për hetime të mëtejshme, ndërsa SPAK-ut i është dhënë 45 ditë kohë për të kryer një akt-ekspertim dhe për të plotësuar hetimet lidhur me çështjen ndaj tij.
Myzyri u mor i pandehur nga Prokuroria e Posaçme në qershor 2025 për veprën penale “Shkelje e barazisë së pjesëmarrësve në tendera apo ankande publike”, e kryer në bashkëpunim.
Akuzat ndaj Myzyrit
Më datë 24 qershor 2025 kreu i Prokurimeve Publike u mor zyrtarisht i pandehur nga SPAK. Akuza ka të bëjë me tenderin për mirëmbajtjen e aksit rrugor Shpal-Ura e Repsit me gjatësi totale 58.7 km dhe me vlerë 2.29 milionë euro.Në njoftimin e gjykatës bëhet me dije se janë marrë të pandehur edhe shtatë persona të tjerë për kryerjen e veprës penale “Shkelje e barazisë së pjesëmarrësve në tendera apo ankande publike”. Ndërsa 3 të tjerë janë marrë të pandehur për kryerjen e veprës penale “Falsifikim i vulave, i stampave ose i formularëve.
j.l./ dita
Jà edhe Myzyr autoktoni me fitiren si bithe tigani, kusheri i afert i TREN rrangalles….o zot, paska qene edhe kreu i prokurimeve publike, dhe normalisht si gjithe Rilindja neo-otomane e Ramiut, ka bere detiren (e kusarit te pa skrupullt)
Kot